Plantun de Prouvènço

Pèr coumpara dos planto d'encò nostre

Ranunculus peltatus subsp. peltatus & Oenothera glazioviana

Grapaudino

Ranunculus peltatus subsp. peltatus

Ranunculaceae

Àutri noum : Nègo-fòu, Tirasseto-d'aigo.

Noms en français : Renoncule peltée, Grenouillette.

Descripcioun :
La grapaudino trachis dins lis aigo tranquilo, li lono e li roubino. Ei lou soulet ranouncle d'aigo que fai dos meno de fueio ; aquéli que soun souto l'aigo fan coume de fiéu (en ventau) alor que li que soun sus l'aigo soun plato (fotò). En Camargo vèn la subsp. proche baudotii qu'a lou cor de la flour mai jaune.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 20 à 200 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour : Blanco Jauno
Petalo : 5
Ø (o loungour) flour : 24 à 30 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero
Estànci : Mesoumediterran à Mountagnard
Couroulougi : Éurasiatico
Ref. sc. : Ranunculus peltatus subsp. peltatus Schrank, 1789

Rougeto(di-gràndi-flour)

Oenothera glazioviana

Onagraceae

Autre noum : Erbo-dis-ase.

Nom en français : Onagre à grandes fleurs.

Descripcioun :
La rougeto-di-gràndi-flour trachis majamen dins lou limas en ribo d'aigo ounte flouris au printèms, es à dire mai d'ouro que si cousino (coume Oenothera biennis que flouris en estiéu). Se recounèis eisadamen à si petalo mai grando (45 mm), à si boutoun mai prim, sa coulour mai roujo e subretout à soun estigmate en crous, pu long que lis estamino (fotò).

Usanço :
Soun óurigino s'atrouvarié dins un mestissage (ibridacioun) dins un jardin en Éuropo e se sarié espandido dins lou mounde. A li mémi prouprieta que la rougeto, Oenothera biennis.